ఆసక్తిదాయక ప్రదేశాలు
డ్రెస్‌: ఇది ఓ చిన్న పట్టణం. కార్గిల్‌కు దగ్గరగా 57 కి.మీ దూరంలో శ్రీనగర్‌-లేహ్‌ జాతీయ రహదారి మీదుగా ఇక్కడకు చేరుకోవచ్చు. ఇది ప్రపంచంలో అతి చల్లని ప్రదేశాల్లో ఒకటిగా పేరొందింది. ఇక్కడి ప్రజలు డర్డ్‌స్టాక్‌, ఇండోఆర్యన్‌ జాతివారు. వీరి పూర్వీకులు సెంట్రల్‌ ఆసియా నుంచి ఇక్కడకు వచ్చారని చెబుతారు.
సరూలోయ: ఇది సారవంతమైన అందమైన భూమి. ఇక్కడ టిబెట్‌-డార్‌ ప్రజలు అధికంగా ఉంటారు. ఈ ప్రాంతమంతా కూడా ప్రకృతి రమణీయ దృ శ్యాలకు పేరుగాంచింది. 7135 మీటర్ల ఎత్తున ఉండే ఈ ప్రాంతం పట్టణానికి దూరంగా ఉంటుంది. పర్వతారోహకులు ఎంతో ఇష్టపడే ప్రాంతం ఇది.
రాన్‌గ్‌ డ్యామ్‌: ఏకాంత వాతావరణం ఉండే లోయ ఇది. ఇది కార్గిల్‌కు 130 కి.మీ దూరంలో ఉంది. ఇక్కడ 17వ శతాబ్దం నాటి విహారం ఉంది. మలక్‌బేఖ్‌: ఇది కార్గిల్‌కు తూర్పున 35 కి.మీ. దూరంలో లేహ్‌ దారిలో ఉంది. ఇక్కడ కూడా 9 అడుగుల మైత్రేయి విగ్రహం ఉంది. ఇక్కడ ముల్‌ బేఖ్‌ విహార కేంద్రం ఉంది.
జాన్స్‌కార్‌: చాలా లోపలికి ఏకాంతంగా ఉండే లడక్‌ లోయ. ఇక్కడ అనేక ఆసక్తిదాయక విహారాలు, స్మారకస్థూపాలు ఉన్నాయి. ఈ లోయ మనాలి, క్రిస్ట్‌వార్‌, లేహ్‌, ఇండస్‌ లోయలను కలుపుతుంది.
కర్ష: ఇక్కడ 16 శతాబ్దపు పూర్వపు విహారాలు కూడా ఉన్నాయి. బర్‌దాన్‌: విహార స్థలం. ఎన్నో రకాల విగ్రహాలు, స్థూపాలు ఉన్నాయి.
ఫగ్‌తాల్‌: ఇది జన్స్‌కార్‌ లోని రెండు అపురూప
విహారాలు ఉన్న ప్రాంతం.
జంగ్‌ముల్‌: ఇక్కడ గుహ విహారం ఉంది. ఇది రెండు గుహలకు విస్తరించి ఉంది.
No comments:
Post a Comment